Le poesie di Giovanni Salvo
UNNI
****
Sugnu sicilianu
ma, di la Sicilia friddusa
Chiddra senza baciamanu
unni lu suli e’ certu nanu
Si canusci lu friddu chi si ‘ntrama
nni’ li corna di cu sta terra ama
Tra li sirruna arrisedi anchi la nivi
unni l’omu cerni cu setti crivi
E’ veru cca’ lu jelu sbroglia
friddu si curca e friddu s’addriviglia
Spissu porta a la partenza
unni e’ fridda anchi la spiranza
La neglia frana tra lu sali
supra l’eramu pero’ la pinna vali
Nni’ la parti chiddra cchiu’ ‘ntirnata
unni l’arti sula callia la strata.
