Il 21 marzo del 1937 nasceva a Licata Rosa Balistreri. L’omaggio in versi del poeta Giovanni Salvo
LU CANTU DI LI SCJURI
*_*_*
Rosa tu nnì cantasti
li sturneddra di l’amuri
Pinnati duci dasti
parlannu cu duluri
Li cordi di chitarra
eranu accurdati
Lu tempu di la sciarra
tra populu e pirati
A Sant’Agata dicisti
cala stu caudu suli
La vuci la ‘ntunasti
dasti l’ummira a li muli
Curristi cu lu ventu
tra li porti di la storia
Canzuni di lamentu
di parrina cu la boria
Trespianu li to spogli
accogli a granni onuri
Sunnu ora girmogli
lu cantu di li scjuri
Cuntasti lu tò cuntu
di nnà vita travagliata
Facisti lu riassuntu
chi porta a la Licata.
