“Finestri murati”

“Anguscia pussenti, duluri prufunnu. Casi vacanti” Le poesie di Giovanni Salvo

FINESTRI MURATI

^*^*^

Strascinu li pedi

‘nmezzu li  strati

L’amuri nun cedi

tra finestri murati

Anguscia pussenti

duluri prufunnu

Casi vacanti

tutti unni sunnu?

Di ogni vaneddra

nesci un tabbutu

Lu scuru si feddra

emigranti fujutu

Lassatu paisi

senza travagliu

La pena chi cala

lu cori mi tagliu.