“Viva San Calò”

|




L’appuntamento del sabato con i versi di Giovanni Salvo

Giovanni Salvo

VIVA SAN CALO’

_*_*_

Ognunu adura lu Santu so’

vidi che beddru San Calo’ !

Si la prumissa ci  vogliu fari

pezzi di pani forti e’ tirari

E quannu si ferma a porta di Po’

gridaci forti a San Calo’

La grazia vogliu ppi’ stu figliolu

tu ca si bonu e nivurinciolu

T’acchianu supra comu fussi un griddru

nun ti scurdari stu picciliddru

Ti vasu forti, ti stuju u suduri

picchi ppi tia forti e’ l’amuri

E siddru sugnu giurgintanu

un fazzulettu tegnu gia’ ‘nmanu

A la me testa ora lu svotu

ca a tia Santu sugnu divotu

Cu forza chiamamu a ccu’ ‘n’ajuta

la fuddra grida a la to nisciuta

E lu santu e’ nivuru e beddru

lu campanazzu sona a marteddru

Lu venniri a la villa facemu la festa

e tutti allariu tinemu la testa

Sosizza e canzuni ppi’ lu cori to’

e viva gridamu a tia San Calo’.

Ignazio Marchese

Ascolta la poesia. Voce di Ignazio Marchese

 

Altri articoli della stessa

Lascia un commento

Il tuo indirizzo email non sarà pubblicato. I campi obbligatori sono contrassegnati *