GIORNATA DELLA MEMORIA Viaggio – con le foto di Pietro Tulumello e i versi di Giovanni Salvo – nel campo di concentramento dove furono sterminati più di un milione di persone, in gran parte Ebrei. Dedicato alle vittime delle disumanità di ieri e di oggi.
ADDRUMA LA MEMORIA
Eterea e densa neglia ‘ntra lu celu
si spargi comu un biancu velu.
Cummoglia tutta la menti umana
anchi la fuddria di la razza Ariana.
La vita è beddra e tutta poi cci vali
l’omu a li voti è ladiu cu li so liggi razziali.
E cu putiva pinzari a l’olocaustu!
lu genocidiu ‘nni stu stu munnu ‘nfaustu
Lu fumu acchiana lentu furmannu un paru d’ali
porta l’anima ‘ncelu lassa ‘nterra li carnefici armali.
Munzeddra di ciuffi di capiddri
appartinuti a vecchi e picciliddri.
Catasti di scarpi e di occhiali
chi nun sirveru a leggiri lu mali.
La memoria aiuta a nun scurdari
ricorda soccu l’omu è capaci a fari.
Purtari un cristianu a lavarisi cu lu fangu
asciucari la peddri di lu so stessu sangu.
Svacantari l’occhi senza paci e luci
cancillari lu so nomu di sutta la cruci.
La facci scavata lu sguardu assenti
si esisti un Diu! vulissi ca mi senti.
Si chissu è un omu riduttu a strascinari
addruma la memoria nun lu scurdari.
