Trasi lu vermi silenziusu

Le poesie di Giovanni Salvo

A TUTTI TOCCA

Trasi lu vermi silenziusu

nun si ferma  trova lu pirtusu

Lentu si spargi tra la genti

nuddru sparagna mancu un sulu Continenti

‘Nsidiusu nunustanti lu vaccinu

lestu s’allarga si tocchi  lu vicinu

Silenti diavulu di li nostri jorna

pari ca nni’ lassa e lestu iddru poi ritorna

La scienza grida ca lu vidi tarlu

dividi l’uomini ppi’ comu cuntrastarlu

‘Nzipitu mali ca metti a la catina

anchi cu fidi havi nni’ la midicina

Misi a tutti  quanti a mani junti

prigari n’arresta a la fini di li cunti

Stu granni munnu chi pariva di rocca

vasta’ nna’ vriccia e ora a tutti tocca.