Le poesie di Giovanni Salvo, il poeta irriverente
FIMMINA SICILIANA
****
Sapiti ca li fimmini di aguannu
sunnu siciliani e longa la sannu
A li casi casi dunanu cumannu
la tinacia e’ donna e nun fa’ dannu
Giustu a vossia m’arracumannu
a vu’ ca siti fimmina di munnu
Li masculi sapiti soccu fannu?
sputanu ‘ncelu e po’ vannu circannu
E quannu a li voti ju mi sbrazzu
la vita di la donna nun e’ a muzzu
La fimmina priziusa nun fa sprazzi
curaggiusa megliu di certi masculazzi
Autru chi debuli, iddra’ e’ forti
si leva lu fadali e spunna li porti
A chisti tempi propriu la spiranza
c’e’ nna’ fimmina siciliana unni penni la vilanza.
.
