Cori di Matri

Dedicata a tutte le mamme

CORI DI MATRI

*_*_*

Mamma sonu di nna’ parola sula

meli ca di lu cori cula

Amuri smisuratu ‘nda sta terra

grazzu ca ti isa siddru cadi ‘nterra

A lu pettu stringi e duna vita

la tistuzza  lu so cori si marita

Essenza di scjavuru di rosa

l’api di lu megliu scjuri unni si posa

La cuttunina di li jurnati di nivi

fina farina cirnuta a setti crivi

Affettu veru sarbatu ‘nda lu cori

ricordu eternu, amuri ca nun mori

Matri pezzu di la to carni

duci comu cira d’intra l’arni

La carizza ca lu cori sciala

lu piru autu cugliutu senza scala.