Gli orrori dell’Olocausto. “Si esisti un diu vulissi ca mi senti”.
ETEREA E DENZA NEGLIA ‘NDA LU CELU
SI SPARGI COMU UN TINTU VELU
CUMMOGLIA TUTTA LA MENTI UMANA
ANCHI LA FUDDRIA – DI LA RAZZA ARIANA
LA VITA E’ BEDDRA – E TUTTA POI CCI VALI
L’OMU A LI VOTI E’ LADIU, CU LI SO’ – LIGGI RAZZIALI
E CU PUTIA PINZARI ALL’OLOCAUSTU?
LU GENICIDIU NNI STU MUNNU ‘NFAUSTU
LU FUMU ACCHIANA LENTU, FURMANNU UN PARU D’ALI
PORTA L’ANIMI ‘NCELU, LASSA ‘NTERRA LI CARNEFICI ANIMALI
MUNZEDDRA DI CIUFFI DI CAPIDDRI
APPARTINUTI A VECCHI E PICCILIDDRI
CATASTI DI SCARPI E DI OCCHIALI
CA NUN SIRVERU – A LEGGIRI LU MALI
LA MEMORIA AIUTA A NUN SCURDARI
RICORDA SOCCU SI E’ CAPACI A FARI
PURTARI UN OMU A LAVARISI NNI’ LU FANGU
ASCIUCARI LA SO PEDDRI – DI LU SANGU
SVACANTARI L’OCCHI SENZA PACI E LUCI
CANCILLARI LU SO NOMU DI SUTTA LA CRUCI
LA FACCI SCAVATA – LU SGUARDU ASSENTI
SI ESISTI UN DIU – VULISSI CA – MI SENTI
SI CHISSU E’ UN OMU – RIDUTTU A STRASCINARI
ADDRUMA LA MEMORIA – NUN LU SCURDARI
