“Giustizia nun mori”

|




Capaci fu’ la mafia assassina firmari la cursa svintrannu la via. L’appuntamento del sabato con i versi di Giovanni Salvo

Giovanni Falcone

GIUSTIZIA NUN MORI

-*-*-

Nun ci fu’ bisognu di circari a Berlinu

un judici giustu di vilanza pisata

Lu dirittu e la menti di omu finu

lu vintitri’ maju maliditta jurnata

L’uomini passanu tu nni dicisti

la ragiuni resta ‘ncapu sta terra

E cu la vita lu cuntu pagasti

senza lu scantu di jri a la guerra

Comu li cosi di umana natura

questioni di tempu tuttu arrisedi

L’arruganza mafiusa cu la lotta dura

la giustizia nun mori trova atri pedi

Lu meritu resta nni’ la storia prisenti

di lotta a la mafia si lu pugnu e’  fermu

La liggi ‘mpustata cu fari pussenti

tinaci tu judici nasciutu a Palermu

Capaci fu’  la mafia assassina

a firmari la cursa svintrannu la via

Di ‘ncapu un pizzu cu manu malandrina

lu bottu fu’ forti ma no quantu tia

Ascolta la poesia. Voce di Ignazio Marchese

Altri articoli della stessa

Lascia un commento

Il tuo indirizzo email non sarà pubblicato. I campi obbligatori sono contrassegnati *